Hrafnagil

Líður að vori

jon — Sat, 21 Apr 2012 22:59:18 +0000

Jæja nú fer að styttast að folöld fari að fæðast en Elding frá Hrafnagili verður fyrst og folaldið undan Hrym frá Hofi. Tamningar ganga vel og eitthvað fer í dóm í vor og annað síðsumars. Forsetadæturnar undan keilu frá Bjarnastaðahlíð og Blöndu frá Hrafnagili eru álitlegar hæfilleikalega séð en maður reiknar kannski ekki með hárri byggingareinkunn. Þokkabót undan Perlu frá Hrafnagili er líka álitleg og eins bróðir hennar á 4 vetur, Mósi frá Hrafnagili Rökkvasonur og verður vonandi sýndur síðsumars. Við förum með hryssur undir ýmasa hesta í sumar t.d Spuna frá Vesturkoti, Arion frá Eystra-Fróðholti, Auð frá Lundum, Blysfara frá Fremra-Hálsi, Galsa Sauðárkróki, sjálfssögðu Hrym og Eldjárn frá Tjaldhólum, Smára Skagaströnd og einhverja fleiri þannig að spennandi tímar að fara í hönd

Hrymur verður á Fellskoti á húsmáli 2012

jon — Mon, 19 Mar 2012 23:28:33 +0000

Rétt í þessu vorum við að ganga frá því að Hrymur frá Hofi verður á húsmáli í Fellskoti hjá Maríu og fjölskyldu og um að gera fyrir sunnlendinga að nýta sér það. Við auglýsum þetta nánar síðar

Nýju tamningakonurnar á bænum

jon — Sun, 05 Feb 2012 00:36:37 +0000

Við vorum svo heppin að fá í vinnu til okkar á nýju ári, tvær sæsnkar myndalegar konur. Þær heita Petronella Hannula og Micaela Manula en “ Nella “ eins og hún er kölluð verður út árið hjá okkur en Micaela verður fram í miðjan febrúar. Micaela er að þjálfa sjálf í Svíþjóð og skrapp til Íslands á meðan hrossin voru í smá pásu. Nella útskrifaðist frá Hólaskóla s.l vor og var að vinna í Torfunesi farm að áramótum. Þær eru með 17 hross inni og Hrymur fer á járn núna á miðvikudaginn. Hrossin okkar sem voru í Hólakoti í Þjálfun, eru í fínu formi enda ekki slegið slöku við á þeim bænum. Nella er búin að búa til bloggsíðu um þjálfunina og er hægt að fylgjast með á hrafnagil.blogspot.com

Hrymurinn

jon — Sat, 17 Dec 2011 23:46:15 +0000

Hér er mynd af Hrym frá í fyrravor(2010) þegar hann var í þjálfun hjá Þorvaldi Árna á Hvoli. Þarna var hann í svakalegum gír. Það munaði mjög litlu að hann kæmi fram með dætrum sínum þeim Krít frá Miðhjáleigu og Dögg frá Steinnesi í Fáki um vorið en var aftur kominn með hestapestina, það hefði nú verið gaman að eiga það á spólu. Við stefnum að óbreyttu að hafa hann hér heima næsta sumar ef enginn ásælist hann.

Glæsi hesturinn Héðinn Skúli frá Oddhóli

jon — Mon, 12 Dec 2011 23:23:18 +0000

Við fáum eitt undan Aríu frá Flugumýri og Héðni Skúla frá Oddhóli sem er Grunssonur, undan 1 verðlauna Ófeigsdóttur. Við eigum líka fallega Grunsdóttir frá Ytri-Brennihóli úr ræktun Hrafns Hrafnssonar, en hún er í tamningu í Litla-Garði hjá Bigga og Ásdísi. Hún temst mjög vel og fljót að læra og fín hreyfing í henni.

Hér má sjá video af Héðni Skúla, glæsilegur hestur. tvíklikkaðu á http://www.youtube.com/user/SylviaSigur#p/a/u/0/M4u9wHj87SI

Stjörnufákur frá Blönduósi

jon — Sun, 04 Dec 2011 04:50:58 +0000

Við eigum þennan gelding undan Hrym frá Hofi. Hann er 6 vetra og hefur verið í þjálfun í Hólakoti og hefur tekið miklum framförum. Það þarf engar hlífar á þennan

Nýjar hryssur í ræktun

jon — Fri, 25 Nov 2011 23:12:21 +0000

Við höfum eignast nýjar hryssur og eru sumar þeirra komnar strax í ræktun.
Hending frá Blönduósi er 9 vetra jörp hryssa. F: Garpur frá Auðholtshjáleigu og M: Hlökk frá Hólum sem gerir hana sammæðra Hrym. Hún slasaðist í tamningu braut griffilbein og var aldrei sýnd en var mjög álitleg. Hún er nú fylfull við Stála frá Kjarri.
Aría frá Flugumýri er Keilisdóttir, undan Kommu frá Flugumýri (Kolskarardóttur) Synd að ekki var hægt að sýna hana í sumar. Þetta er hágeng alhliðahryssa en aðallega töltari, brokkið slakt en mjög falleg með grannan og langan háls. Aría er fylfull við Héðni Skúla frá Oddhóli sem verður líklega sýndur 2012.
Aría er fjær á myndinni, mynd af flugumýri.is
Gígja frá Búlandi er 1. verðlauna Hrymsdóttir sem við eigum í sameiningu með Daníel Jónssyni og er hún þar í þjálfun núna. En hún er m.a. systir Nasks frá Búlandi og Rúnar frá Búlandi.

Stóðhestar sumarið 2012

jon — Fri, 25 Nov 2011 22:43:31 +0000

Maður er strax farinn að pæla hvaða stóðhesta skuli nota næsta ár. Hrymur frá Hofi verður að sjálfsögðu best notaður en við eigum 3 mjög álitleg Hrymsafkvæmi í þjálfun núna. Leó Geir er með Steinku og var alveg byrjað frá grunni með hana og er að komst svona „Leó snykkur“ á hana og verður gaman að sjá útkomuna. Set hér mynd af Steinku
Efemía frá Garði er grá á 5 vetur og verður smart hryssa og síðan geldingur sem við eigum, Stjörnufákur frá Blönduósi 6 vetra og mikið efni í keppnishest, hann er í þjálfun í Hólakoti.
Síðan er ætlunin að komast undir Fróða frá Staðartungu sem á örugglega eftir að slá einhver hæfileikamet ef hann verður sýndur aftur.
Blysfari frá Fremra-Hálsi fær nokkrar, ótrúlegur hestur og síðan er Einar mágur alltaf með eitthvað spennandi.
Dvali frá Hrafnagili grár að lit, sem við eigum undan Keilu frá Bjarnastaðahlíð og Auð frá Lundum fær líklega 2-3 hryssur en hann vann folaldasýninguna í fyrra. Fer um á hágengu tölti með miklum fótaburði enda með 119 í Bluppi fyrir fegurð í reið. Síðan sér maður til hvernig folöldin undan Hring (Söru og Kjarnasyni) koma út. Þetta er ekki endanlegur listi en nálægt lagi. Set mynd af Blysfara sem ég tók af heimasíðunni á Lækjamóti.

Ormalyf og Örmerkingar

jon — Thu, 17 Nov 2011 23:28:48 +0000

Við rákum stóðið heim á mánudaginn og Gestur dýralæknir sprautaði allt stóðið með orma og lúsalyfi. Eins örmerktum við öll folöldin sem reyndust vera 25 talsins en nokkur voru í eigu annara. Við fengum góða hjálp frá vinum en Tobías Sigurðsson, Ingi Steinn og Rósberg voru betri en engir enda stóðið orðið vel á annað hundrað Við hlökkum til vorsins því ef allt gengur upp þá eigum við þónokkrar efnilegar hryssur í þjálfun og eins næsti árgangur sem verður mjög spennandi. Læt fylgja mynd af drottningunni okkar Söru frá Víðinesi en Hringur verður kominn á tamningaaldur næsta haust.

Ánægður með Forsetabörnin

jon — Mon, 14 Nov 2011 23:45:57 +0000

Nú er búið að temja allar Forsetadæturnar okkar þrjár og eru þetta skemmtileg tryppi en samt ólíkar en Dyggð er algelega sjálfgerð en var erfið í fyrstu, vildi ráða ferðinni en er alveg orðin sultuslök í dag. Lyfting sem er sammæðra Jarpi er líka mjög fljót til og er stórstíg og fótaburður í góðu lagi og Vænting undan Blöndu er mjög efnileg
hér er nýleg mynd af Lyftingu